احنا نسيناه اوى بجد

مع ان هو اللى خلقنا وعارف ايه اللى يفرحنا
هو اللى ممكن يخليك اسعد انسان فى الدنيا

هو اللى ممكن يخلى حياتك جنه
هو اللى صبر عليك كتير وانت بتعصاه

هو اللى شافك كتير فى المعصيه وستر عليك

هو اللى بينعم عليك بنعم كتير اوى ومبيلاقيش منك غير المعاصى

هو اللى ممكن يغفر لنا اى ذنوب مهما كان عددها بل ممكن كمان يقلبها حسنات لو تبت منها

هو اللى المفروض يبقى رقم 1 فى حياتك بس للاسف انت خليتو رقم........ انت عارف من غير ما اكتب

هو اللى دايما معاك وانت عمرك ما كنت معاه

هو اللى بيخليك تروح وتيجى وتمشى وتتكلم مع انو ممكن ياخد منك كل ده فى لحظه واحده

هو اللى مهما تزعلو ومهما تغضبو ممكن ترجعلو فى اى وقت يقبلك فى اى وقت يفتحلك بابو اللى هو مفتوح اصلا

هو بيحبك والله ويفرح اوى لو رجعتلو بس انت للاسف ناسيه وعامل نفسك مش واخد بالك

هو اللى ادالك نعمة الصحه والمال والوجه الجميل ده

هو الغفور الرحيم الستار الحليم الرحمن
بس برضو
هو الجبار المنتقم شديد العقاب

انعم عليك بالعين بس للاسف بتستخدمها فى النظر الحرام

انعم عليك بنعمة الاذن بس للاسف بتستخدمها فى سماع الاغانى

انعم عليك بنعمة اللسان بس للاسف بتستخدمو فى الغيبه والنميمه ومعاكسة البنات ومكالمة الشباب

انعم عليك بنعمة القلب بس للاسف دخلت قلبك كتيييييييير غيرو ونسيتو هو

انعم عليك بنعمة الوقت بس للاسف بتبخل عليه بكل دقيقه فى حياتك وبتدى وقت لغيرو

انعم عليك بنعم كتييييييير وجمايلو عليك كتير اوى بس انت عمرك حتى ماحسيت بالنعم دى ولا شكرتو وان شكرتو بيبقى مجرد كلام

ايوه هو

اللــــــــــــــــــــــــــــــ ــــــــــــه

[ندعوك للتسجيل في المنتدى أو التعريف بنفسك لمعاينة هذه الصورة]

اشكرك نهال على الجهد الطيب

[ندعوك للتسجيل في المنتدى أو التعريف بنفسك لمعاينة هذه الصورة]